வல்வை நகர சபையின் கோரிக்கை

                             வல்வை  நகர சபையின் கோரிக்கை

வடமராட்சி வல்வெட்டித்துறைக்கென  தேசிய ரீதியில் தரம் வாய்ந்த பொது விளையாட்டரங்கம் ஒன்றை அமைப்பதற்குக் காணியை அன்பளிப்பாக அல்லது சகாய விலையில் பெற்றுக் கொள்வதற்காகப் பொது மக்களிடம் நிதி உதவியை வல்வெட்டித்துறை நகர சபை கோரியுள்ளது.

வல்வெட்டித்துறைக்கென  தேசிய ரீதியில் தரம் வாய்ந்த பொது விளையாட்டரங்கம் ஒன்று அமைக்கப் பட வேண்டும் என்ற வல்வெட்டித்துறை நகராட்சி மன்றத்தின் தீர்மானத்தைச் செயற்படுத்தும் வகையில்-

தற்போது நெற்கொழுவில் அமைந்துள்ள காணியை விளையாட்டரங்கத்துக்காக அன்பளிப்பாக அல்லது சகாய விலையில் பெற்றுக் கொள்வதற்கான நடவடிக்கைகள் மேற்கொள்ளப்பட்டு வருகின்றன.

விளையாட்டுத் துறையில் ஆர்வமுள்ளவர்களும், பொது அமைப்புக்களும்,புலம் பெயர்ந்த உறவுகளும்; பிரதேச வேறுபாடுகளின்றி  இதற்கான நிலப்பரப்பைப் பெற்றுக் கொள்வதற்கான உதவிகளை வழங்க முன்வருமாறு வல்வெட்டித்துறை நகர பிதா நடராஜா அனந்தராஜ் அழைப்பு விடுத்துள்ளார். வல்வெட்டித்துறை நகர சபையில் இவற்றைக் கொள்வனவு செய்வதற்கான நிதி வளம் இல்லாத நிலையில் எமது உறவுகள் இதற்குக் கைகொடுக்க முன்வருமாறும் அவர் கேட்டுள்ளார்.

வல்வெட்டித்துறை நகர சபையில் இதற்கென ஆரம்பிக்கப்பட்டுள்ள வங்கிக் கணக்கில் மட்டுமே தங்கள் நிதி உதவிகளைச் செய்யுமாறு நகரபிதா மேலும் கேட்டுள்ளார்.

அதேவேளை நகராட்சி மன்றத்தினால் அமைக்கப்படவுள்ள நவீன விளையாட்டரங்கத்தை வல்வெட்டித்துறை நகராட்சி மன்றத்திற்குட்பட்டவர்கள் மட்டுமல்லாது,வடமாகாணப் பாடசாலைகளும்,விளையாட்டுக் கழகங்களும் பயன்படுத்திப் பயன்பெற இருப்பதால், அந்தப் பிரதேசத்தில் உள்ள தமது நிலப்பரப்புக்களை எவரேனும் அன்பளிப்பாக வழங்குவதற்கு முன்வந்தால் அவற்றை நன்றியுடன் ஏற்றுக் கொள்வதாகவும் அவர் தெரிவித்தார்.

இது உதயன் செய்திப் பத்திரிகையில் 28.03.2012 அன்று வெளியான ஒரு செய்தி.செய்திப் பத்திரிகையின் வெட்டுத்துண்டை மட்டும் போட்டால் வாசிக்கச் சிரமமாக இருக்கும் மீண்டும் செய்தியைத் தட்டச்சுள்ளேன்.இதற்கான வங்கிக் கணக்கிலக்கம் செய்தியில் வரவில்லை.இதனை வல்வை நகர சபைத் தலைவரிடம்  பெற்றுக் கொண்டேன்.     .

வங்கிக் கிளையின் பெயர்      : இலங்கை மக்கள் வங்கி,வல்வெட்டித்துறை

கணக்கின் பெயர்                             : வல்வெட்டித்துறைப் பொது விளையாட்டரங்க நிதி

                                                                                  (Valvettiurai Urban Council(Netkolu)Public Stadium Fund)

சேமிப்புக் கணக்கு இலக்கம் :141-2-001-0-0009871

இதனை இங்கு  பிரசுரித்ததன் மூலம் தேசியத்  தரம் வாய்ந்த மைதானம் ஒன்று வல்வையில் அமைப்பதற்கான ஆரம்ப கட்ட வேலைகளில் வல்வை அலையோசையும் பெருமையுடன் பங்கெடுத்துக் கொள்கிறது.இதற்கான யோசனையைத் தெரிவித்த சாரூபனுக்கு எனது நன்றிகள்.

வல்வை நகர சபை விலைக்கு வாங்க எண்ணியிருக்கும் நெற்கொழுவில் அமைந்துள்ள காணி.